ထိုင်းကတစ်ဆင့်ဆန်အိတ်သယ်ဖို့ကြိုးစားတဲ့စစ်ကောင်စီစခန်းကို KNLA သိမ်းပိုက်
KNLA တပ်မဟာ ၅ နယ်မြေ၊ သံလွင်မြစ်ကမ်းနံဘေးနားမှာရှိတဲ့ စစ်ကောင်စီရဲ့ရှေ့တန်းအခြေစိုက်ကစခန်းတစ်ခုကို KNLA က ဒီနေ့ ဧပြီ ၂၇ ရက်နေ့ နံနက်အစောပိုင်းမှာ သိမ်းယူခဲ့ပါတယ်။
စစ်ကောင်စီတပ်စွဲထားတဲ့နေရာက ထိုင်းနိုင်ငံဘက်ခြမ်း မဲဟောင်ဆောင်ခရိုင် မဲစရီယမ်မြို့၊ မဲ့စမ်လတ်ကျေးရွာနဲ့မျက်နှာချင်းဆိုင် မြန်မာဘက်ကမ်းမှာဖြစ်ပါတယ်။ စခန်းကိုဝင်စီးပြီးနောက် တဲတွေကို KNLA က ဖျက်ဆီးလိုက်ပါတယ်။ တိုက်ပွဲတွင်း ထိခိုက်သေဆုံးမှုရှိ မရှိ မသိရသေးပါဘူး။ စခန်းဝင်စီးခံရပြီးနောက် စစ်သားတွေဟာ သံလွင်မြစ်နံဘေးဆင်းပြေးတာ တွေ့ရပါတယ်။
ဒီနေရာဟာ ပြီးခဲ့တဲ့ မတ်လကတည်းက စစ်ကောင်စီတပ်တွေ ထိုင်းနယ်မြေကိုအသုံးပြုပြီးတော့ ဆန်အိတ်သယ်ယူဖို့ကြိုးစားတဲ့နေရာလည်းဖြစ်ပါတယ်။
ပြီးခဲ့တဲ့အပတ် ကြာသပတေးနေ့တုန်းကလည်း အရပ်သားစက်လှေတစ်စီးနဲ့ ထိုင်းဘက်ခြမ်း Tha Ta Fung ကျေးရွာဘက်ခြမ်းကိုသွားနေတဲ့ ထိုင်းနယ်ခြားစောင့်ရဲတပ်ဖွဲ့ဝင်တွေကို မြန်မာစစ်တပ်က သေနတ်ပစ်ဖောက်ခဲ့ပါသေးတယ်။
 |
| Photo: Salween Press |
မတ်လ ၂၇ရက်နေ့မှာလည်း သံလွင်မြစ်ကမ်းဘေးမှာရှိတဲ့ သီးမူထာ့စစ်ကောင်စီစခန်းကို KNLA တပ်မဟာ ၅ က တက်ရောက်သိမ်းယူခဲ့ပါတယ်။
Comments
Post a Comment