KIA ကို စစ်ကောင်စီ နေ့ရောညပါ လေကြောင်းတိုက်ခိုက်
လိုင်ဇာမြို့နယ်ထဲက KIA တပ်မဟာ ၅ လက်အောက်ခံ တပ်ရင်း ၁၅ ရှိတဲ့ နေရာတဝိုက်ကို စစ်ကောင်စီတပ်က ဂျက်လေယဉ်နဲ့ မတ်လ ၁ ရက်နေ့ ဒီည ၇ နာရီဝန်းကျင်မှာ ဗုံးကြဲတိုက်ခိုက်ပါတယ်။
 |
| Chinese fleet JF-17 |
လေကြောင်းတိုက်ခိုက်မှု လေးကြိမ်ပြုလုပ်ခဲ့ပြီး ပေါက်ကွဲသံတွေကို လိုင်ဇာမြို့ပေါ်ကပါ ကြားနေရတာကြောင့် အရပ်သားတွေလည်းစိုးရိမ်မှုတွေရှိနေပါတယ်။ တပ်ရင်း ၁၅ နယ်ထဲမှာ ထိခိုက်မှုရှိ မရှိတော့ မသိရသေးပါ။
ဒီနေ့ KIA နဲ့စစ်ကောင်စီတပ်မ (၇၇) တပ်တွေ ဗန်းမော်ခရိုင်၊ မိုးမောက်မြု့နယ် မြို့သစ်ဘက်က တောတန်းတွေမှာ မနက် ၇ နာရီဝန်းကျင်မှာတိုက်ပွဲပြင်းထန်ခဲ့ရာမှာ စစ်ကောင်စီတပ်အထိနာသွားကြောင်းနဲ့ လေကြောင်းတိုက်ခိုက်မှု ၈ ကြိမ်ပြုလုပ်တယ်လို့ KIA နီးစပ်သူတွေက ရေးသားထားကြပါတယ်။
မဟာဗျူဟာကျတဲ့ အာလောဘွမ်တောင်ဗျူဟာကုန်းသိမ်းပိုက်ခံရပြီးနောက် စစ်ကောင်စီက KIA ကို အပြင်းအထန်တိုက်ခိုက်နေတာဖြစ်ပါတယ်။ နှစ်လကျော်အတွင်းမှာ စစ်ကောင်စီဟာ KIA နယ်မြေမှာ စစ်စခန်းအနည်းဆုံး ဆယ်ခုသိမ်းပိုက်ခံထားရပါတယ်။
Updated : (9:50 am Sunday) ဗုံးကြဲတိုက်ခိုက်ခံရတဲ့နေရာက တပ်ရင်း ၁၉ နေရာလို့သိရပါတယ်။ ဒါကြောင့် တပ်ရင်း ၁၅ အစား ၁၉ လို့ပြင်ဆင်ဖတ်ရှုပေးကြပါ။ တပ်ရင်း ၁၅ နဲ့ ၁၉ နှစ်ခုလုံးတပ်မဟာ ၅ ထဲမှာပါ ပါတယ်။
Comments
Post a Comment