ရခိုင်ငပလီက စစ်ကောင်စီတပ် အင်အားဖြည့်တင်း၊ ဒရုံးပျံသန်း၊ ဘန်ကာသစ်များပြင်ဆင်ထား

စစ်ကောင်စီက ရခိုင်ပြည်နယ်တောင်ပိုင်း စကခ-၅ ထိန်းချုပ်တဲ့ တောင်ကုတ်-သံတွဲ-ဂွ မြို့နယ်တွေမှာ ပြီးခဲ့တဲ့ ၂-၃ ပတ်လောက်ကတည်းက စစ်လက်နက်အမြောက်အများ သယ်ယူတာတွေ၊ စစ်ဘက်သုံးဒရုန်းပျံသန်းတာတွေ၊ ဘန်ကာတည်ဆောက်တာတွေ သံတွဲမြို့နယ်မှာ ဆောင်ရွက်နေတယ်လို့ ယုံကြည်ရတဲ့သတင်းရင်းမြစ်တွေက ပြောပြလာပါတယ်။ 

စစ်လက်နက်တွေကို စစ်တွေ (ကျွန်းပတ်) ဘက်ကလာတဲ့ လေယာဉ်တွေမှာ သယ်ယူလာတာဖြစ်ပြီးတော့ အမျိုးအမည်မသိတဲ့ စစ်သုံးပစ္စည်းမျိုးစုံကို မိုးကာစတွေဖုံးအုပ်ပြီးတော့ သံတွဲ လေဆိပ်ကနေ သယ်ထုတ်ခဲ့တယ်လို့ဆိုပါတယ်။ 

CH-3 Chinese Drone

"သံတွဲလေဆိပ်မှာ ညဘက် ဒရုန်းတွေပျံတာရှိတယ်။ မိုးကာစလိုဟာတွေနဲ့ဖုံးထားတဲ့ ကားတွေလည်းရှိတယ်။ သံတွဲ တပ်ရင်း ၅၅ မှာ အင်အားထပ်ဖြည့်တယ်၊ ဘန်ကာတွေလည်းအများကြီးဆောက်တယ်။ တောင်ထိပ်တွေမှာရောပဲ။" လို့အမည်မဖော်လိုသူ တစ်ဦးက ပြောပြပါတယ်။ 

စစ်ကောင်စီရဲ့ တပ်ရင်းက တောင်ကုတ်-သံတွဲမှာ အနည်းဆုံး သုံးခုရှိပါတယ်။ အမြောက်တပ်ရင်း ခမရ-၃၇၅ နဲ့တပ်ရင်း ၃၄၆ ရှိပါတယ်။ သံတွဲမြို့နဲ့ ၁၅ မိနစ်ဝန်းကျင်ခရီးသွားရတဲ့ ငပလီမှာတော့ တပ်မ-၅၅ ရဲ့တပ်ရင်းတွေရှိပါတယ်။  

အာဏာသိမ်းစစ်ကောင်စီရဲ့ စစ်ရေးလှုပ်ရှားမှုတွေနဲ့ပတ်သတ်ပြီးတော့ ဒေသခံတွေကြား စိုးရိမ်မှုရှိနေပါတယ်။ 

သံတွဲမြို့ ကနေ ခုနစ်မိုင်အထိ တောက်လျှောက် စာတန်းတွေ ပိုစတာတွေ ဖြန့်ဝေမှုတွေလည်းရှိနေပါတယ်။ ဒီလှုပ်ရှားမှုကို ဘယ်သူတွေ ဦးဆောင်သလဲတော့မသိရပါ။ စတေကာတွေမှာတော့ "ရခိုင်ပြည်ကနေ စစ်တပ်ကိုမောင်းထုတ်ကြ"ဆိုတဲ့ စာသားတွေ ပါဝင်ပါတယ်။ 

တစ်ဆက်တည်းမှာပဲ ဇွန် ၅ ရက်နေ့မှာ ရက္ခိုင့်တပ်တော် AA နဲ့ဆက်စပ်တယ်ဆိုပြီးတော့ တောင်ကုတ်က မိုးပညာဒါနကျောင်းက ပရဟိတ လူငယ် ၇ ယောက်ကို  စကခ ၅ လက်အောက်ခံ နယ်မြေခံ ခမရ ၃၄၆ ဖမ်းသွားခဲ့ပါတယ်။ သူတို့ဟာ အင်္ဂလိပ်စာ၊ ကွန်ပျူတာနဲ့ တခြား သက်မွေးဝမ်းကျောင်းပညာတွေကို ဒေသခံတွေကို သင်ပေးနေတာဖြစ်ပါတယ်။ 

ငပလီဟာ ရခိုင်ပြည်နယ်ထဲက နိုင်ငံခြားဝင်ငွေအမြောက်အများရှာပေးနေရာတစ်ခုဖြစ်ပါတယ်။ ဇိမ်ခံကမ်းခြေဟိုတယ်ကြီးတွေနဲ့ ကျယ်ဝန်းလှတဲ့ ဟိုတယ်အများစုဟာ စစ်တပ်ဆီက နှစ်ရှည်မြေငှားရမ်းပြီးတော့ တည်ဆောက်ထားကြတာရှိသလို အကျိုးတူစီးပွားအဖြစ် လည်ပတ်ကြတာလည်းရှိပါတယ်။ ဒေသခံရခိုင်လုပ်ငန်းရှင် ပိုင်ဆိုင်တာအနည်းကျဉ်းသာရှိပြီး အများစုက စစ်တပ်မိသားစုနဲ့ လက်သင့်ရာ ခရိုနီတွေအများစု ပိုင်ဆိုင်ထားတာပါ။ 

A beachfront hotel in Ngapali

စစ်ကောင်စီတပ်ရင်း တပ်မတွေနဲ့ ရက္ခိုင့်တပ်တော် AA တို့ ရခိုင်ပြည်နယ်မှာ တိုက်ပွဲမရှိပေမယ့်၊ ရခိုင်ပြည်နယ်မြောက်ပိုင်း မင်းပြားမြို့နယ်က ကျိန်းတောင်စေတီ၊ မြောက်ဦးမြို့အနီးက ရွှေတောင်စေတီနှင့် သင်းကျိုက်တော် စေတီ၊ ဘူးသီးတောင်မြို့နယ်ထဲက သုံးဆယ့်တစ်ဘုံစေတီတွေမှာ တပ်စွဲထားဆဲဖြစ်ပါတယ်။  



 




Comments

  1. AdminJune 7, 2021 at 9:44 PM

    သံတွဲ PDF? https://www.facebook.com/thandwepdfforce/posts/103371388646631?__cft__[0]=AZV5n_fAc2qzDcQOHcag5Bmc-QBphcAXzH-9cktN7QvHgfCvdtdkmjRHSazdK4o8EjFGSUOlbG5o8-cEXyP9S-eywtMc5KBUPFJ-NqKSC7_TAzSELU_vD2vf65f-CUU2zLXFOZu0DR1ML9haFSbEzFTFU0rX9xPuGunNNIjBkQAuVQ&__tn__=%2CO%2CP-y-R

    ReplyDelete
  2. arakanJune 7, 2021 at 10:21 PM

    စစ္ တပ္ သတင္း ေတြကုိ အ ေသးစိပ္ စုံးစမ္း သင့္ တယ္

    ReplyDelete

Post a Comment

KNPP သင်တန်းဆင်း လူငယ် ၇၀ ကျော်အဖမ်းခံရ

တော်လှန်ရေးနယ်မြေထဲက အန္တရာယ်ကိုဖိတ်ခေါ်သော ဓာတ်ပုံများ

Image
ဓာတ်ပုံတွေနဲ့ပတ်သတ်ရင် အကဲဆတ်တာကို  သိပ်နားလည်ပုံမရကြဘူး။ အခု တော်လှန်ရေးနယ်မြေ၊ လွတ်မြောက်နယ်မြေကို ရောက်နေကြတဲ့ဖေးဘုတ် ဆယ်လီတွေ၊ မင်းသား မင်းသမီးတွေ၊ တချို့လူငယ်တွေနားလည်ပုံမရကြပါ။ အရေးကြီးပါတယ်။ စာကို ဆုံးအောင်ဖတ်ကြပါ။ A lady in KIA rebel outfit (old photo) ဟိုးတစ်နေ့ကမော်ဒယ်ဆိုရင် ဓာတ်ပုံမှာ သူဘယ်နေရာကို ရောက်နေတယ်ဆိုတာက အစ ပေါ်နေပါတယ်။ နမူနာတစ်ခုပြောပါမယ်။ သူကတော့နေရာကို မသိစေချင်တာကြောင့် တိုင်းရင်းသားဒေသတစ်နေရာရေးထားပေမယ့် သူမသိလိုက်တာကတော့ ဓာတ်ပုံမှာ ပါလာတဲ့အပင်တွေပါ။ ဒါက သာမန်မျက်စိနဲ့မြင်ရတဲ့ အချက်အလက်ပါ။  Model Htar Htet Htet is believed to be in KNU controlled region.  အင်ဖက်တွေက ဘယ်ဒေသမှာ အိမ်မိုးဖို့အများဆုံးသုံးတယ်ဆိုတာ ခန့်မှန်းနိုင်ပါတယ်။ သာမန်သတင်းစာဆရာတစ်ယောက်ကတောင် အလွယ်တကူခန့်မှန်းလို့ရရင် စစ်တိုက်နေတဲ့ စစ်သားတွေအဖို့ဘာမှခဲယဉ်းစရာမရှိတော့ပါ။ ဓာတ်ပုံတွေမှာ တခြားနည်းပညာဆန်တဲ့ဟာတွေရှိပါသေးတယ်။ ဓာတ်ပုံအတွင်းမှာပါတဲ့ metadata ဆိုရင် အချက်အလက်တွေ များစွာပါပါတယ်။ အဲဒီ metadata ကို ထုတ်ယူပြီးတော့  GPS tracking လုပ်လို့ရပါတယ်။ GPS coordination marks တွေရတာနဲ့ ခင်များ KNU တပ
Read more

ကွန်ဖက်ဒရိတ်နဲ့ဖက်ဒရယ်ခြားနားချက်

Image
အခုရှင်းပြချက်ကတော့  ကွန်ဖက်ဒရယ်ရှင်းနဲ့ဖက်ဒရယ်ကို ရှင်းရှင်းလင်းလင်း နားမလည်သေးတဲ့သူတွေအတွက် ရည်ရွယ်ပါတယ်။                                                            ကွန်ဖက်ဒရယ်ရှင်း ကွန်ဖက်ဒရိတ်ဆိုတာ ကိုယ်ပိုင်အစိုးရ၊ လွှတ်တော်၊ တရားရေး စသဖြင့် သီးခြားအုပ်ချုပ်တာဖြစ်ပါတယ်။ တနည်းအားဖြင့် အာဏာဟာ ကွန်ဖက်ဒရိတ်ကျင့်သုံးတဲ့ပြည်နယ် သို့မဟုတ် နိုင်ငံဆီက လာပါတယ်။ ဆိုလိုတာက ဗဟိုအစိုးရရဲ့ဆုံးဖြတ်ချက်ကို လိုက်နာကျင့်သုံးရတဲ့ လက်ဝေခံပြည်နယ် သို့မဟုတ် အုပ်ချုပ်မှု စနစ်မဟုတ်ပါ။ ပါဝါဟာ ကွန်ဖက်ဒရိတ်ကျင့်သုံးတဲ့ နိုင်ငံသို့မဟုတ် ကွန်ဖက်ဒရိတ် ပြည်နယ်ကလာပါတယ်။ ပြည်ထောင်စုဆိုဆို၊ အထွေထွေအစိုးရခေါ်ခေါ်၊ ဗဟိုအစိုးရပဲ ဖြစ်ဖြစ် သို့မဟုတ် လွှတ်တော်က ပြဌာန်းလိုက်တဲ့ ဆုံးဖြတ်ချက်တွေကို ကွန်ဖက်ဒရိတ်ကျင့်သုံးတဲ့ တိုင်းပြည်သို့မဟုတ် ပြည်နယ်က လိုက်ပါဆောင်ရွက်ဖို့မလိုပါ။  ဘာလို့ဆို အဲဒီဆုံးဖြတ်ချက်တွေဟာ ဥပဒေတွေမဟုတ်ဘဲ တိုင်းပြည်ထဲရှိနေတဲ့ ပြည်နယ်အစိုးရတွေရဲ့သဘောတူညီမှုမျိုးနဲ့တူနေလို့ဖြစ်ပါတယ်။ အထွေထွေအစိုးရတစ်ရပ်ရဲ့ဆုံးဖြတ်ချက်ဟာလည်း သဘောတူညီမှုနဲ့သာသွားရတာဖြစ်ပြီး မဲများတဲ့အုပ်စုနိုင်တယ်ဆိုတဲ့ ဆုံးဖြတ်ချက်နဲ့သွားရ
Read more

ဒေါ်လာတစ်သိန်းဝန်းကျင်ရှိတဲ့ မန္တလေး-ဗန်းမော်လက်နက်ဖမ်းခံရမှု (Fact-Check)

Image
ဇွန် ၂၄ ရက်နေ့တုန်းက စစ်ကောင်စီက သေနတ် ၁၁၄ လက်နဲ့ ဖောက်ခွဲရေးပစ္စည်း ကားတစ်စီးစာမိတဲ့သတင်းကို သတင်းမှားလို့လူထုကြားထဲအငြင်းပွားနေတာ သတိပြုမိပါတယ်။  လက်နက်မိတဲ့ သတင်းဟာ သတင်းအမှန်ဖြစ်ပါတယ်။ သတင်း ဓာတ်ပုံတွေကို အသေးစိပ်လည်း သူတို့ထုတ်ပြန်ထားပြီး ဖြစ်သလို စုစုပေါင်း ၄ ဦး မိတာကိုလည်း ပုံနဲ့တကွ ထုတ်ပြန်ထားပါတယ်။   လက်နက်တွေ ဖမ်းမိတဲ့ သတင်းဓာတ်ပုံ သူတို့ထုတ်ပြန်ချက်အရ Type 81 လိုသေနတ် ခေါက်ဒင်နဲ့ ရိုးရိုးဒင်က စုစုပေါင်း ၆၄ လက်ပါတယ်။ ပြီးတော့ M-79 ၄၀ မမ ဗုံးသီး ခြောက်တောင့်ထိုးက အလက် ၄၀၊ 779 Pading III-S က ၁၀ လက်ပါတယ်။ ကျည်ကဒ် ၂၄၈ ခု၊ ကျည်ဆံ အတောင့် တစ်သောင်း၊ လက်ပစ်ဗုံး ၄၄၉ လုံး၊ ၄၀ မမ လောင်ချာဗုံးသီး ၁၄၇၃ ပါတယ်။ ယမ်းထုပ် ၅ ကီလိုဂရမ်ပါပြီးတော့ ဒီတိုနေတာ ၄ ဖာ ပါတယ်။ မိုင်းအဝေးထိန်း ခလုတ်က ၃၅ ခုပါ။   Type 81- KIA product စစ်ကောင်စီရဲ့ထုတ်ပြန်ချက်မှာတော့ Type 81 အစား K2-5 လို့သုံးနှုန်းဖော်ပြပါတယ်။ Type 81 ဆိုတာ UWSA ၀ တပ်ဖွဲ့ရဲ့လက်စွဲတော်ဖြစ်ပါတယ်။ နောက်ပိုင်းမှာ အဲဒီနည်းပညာက KIA ဆီကိုပါရောက်ပါတယ်။  ဒါကြောင့် AK-47 ကိုပုံတုထားတဲ့ ဒီဇိုင်းနဲ့ KIA က ထုတ်ပါတယ်။ သေနတ်က ခေါက်ဒင်နဲ့ ရိုးရိုးဒင် နှစ်
Read more