မိုးမြင့်

မြန်မာနိုင်ငံရဲ့အခြေအနေက တရုတ်ရဲ့အကျိုးစီးပွားနဲ့တိုက်ရိုက်သက်ဆိုင်တယ်လို့ တရုတ်နိုင်ငံဘက်က ထုတ်ပြောလာပါတယ်။ တရုတ်နိုင်ငံခြားရေးဝန်ကြီး ဝန်ယိ (Wang Yi) က တရုတ်-အာဆီယံ ဆွေးနွေးဖက်ဆက်ဆံရေး နှစ် ၃၀ ပြည့်နေ့အခမ်းအနားမှာပြောခဲ့တဲ့ မိန့်ခွန်းကို တရုတ်သံရုံးက ဇွန် ၇ ရက်နေ့မှာ ထုတ်ပြန်ရာမှာ ဖတ်ရှုလိုက်ရတာပါ။ ဒီမိန့်ခွန်းထဲက သံတမန်စကားလုံးတွေဟာ အတော်လေးပြင်းထန်တာကို သတိထားမိပါတယ်။ သူ့မိန့်ခွန်းထဲက ထူးခြားချက် ၅ ချက်ကို ဆွဲထုတ်ပြချင်ပါတယ်။  Foreign Brief : တရုတ်နိုင်ငံခြားရေးဝန်ကြီး Wang Yi Photo   ပထမဆုံးအချက်ကတော့ အပေါ်မှာပြောခဲ့တဲ့ မြန်မာဟာ "တရုတ်နဲ့တိုက်ရိုက်သက်ဆိုင်တယ်" လို့ပြောတာဟာ မြန်မာအတွက် ငါတို့နောက်မှာအပြည့်ရပ်ပေးတယ်လို့ မတ်တပ်ရပ်ပြလိုက်တာဖြစ်ပါတယ်။  စစ်အာဏာသိမ်းခေါင်းဆောင် ဗိုလ်ချုပ်မှူးကြီး မင်းအောင်လှိုင်နဲ့  တရုတ်သံအမတ် ချင်းဟိုင် (Cheng Hai) တို့ဟာ ဇွန် ၅ ရက်နေ့မှာ တရုတ်-အာဆီယံဆွေးနွေးပွဲမတိုင်ခင် နေပြည်တော်မှာတွေ့ဆုံခဲ့ပါသေးတယ်။ အဲဒီတွေ့ဆုံမှုကို စစ်ကောင်စီ (SAC) ဘက်က သတင်းထုတ်ပြန်တဲ့အခါ အစည်းဝေးဓာတ်ပုံအစား နိုင်ငံနှစ်ခုရဲ့အလံကို ဘေးချင်းကပ်ဆက်ထားတဲ့ပုံက...

ဗိုလ်ချုပ်မှူးကြီး မင်းအောင်လှိုင်ဦးဆောင်တဲ့  အာဏာသိမ်းစစ်ကောင်စီက ပြည်တွင်းလက်နက်ကိုင်တော်လှန်ရေးအုပ်စုတွေကို တိုက်ခိုက်ရာမှာသုံးမယ့် ရုရှားထုတ် တိုက်လေယာဉ်သုံး ရော့ကတ် S-8 80mm Rocket အလုံးရေ ၃၂၀၀ ကျော် မှာယူခဲ့ပါတယ်။ Yak-130 Russian fleet  S-8 80 mm ရော့ကတ်တွေဟာ ရုရှားထုတ် ဆူခွိုင်း SU-30, Mig-29 နဲ့ Yak-130 တွေမှာ တပ်ဆင်အသုံးပြုတာဖြစ်ပါတယ်။ Missile အမျိုးအစားက (unguided) ဖြစ်ပါတယ်။ ပြီးတော့ လေကြောင်းဗုံးကြဲရာမှာသုံးတဲ့ ဗုံးအမျိုးအစား OFAB 100-120 က အလုံးရေ ၄၆၀ ပါ ပါတယ်။ OFAB 100-120 Bomb  လေယာဉ်အမြှီးပိုင်း ထိန်းတဲ့ Partaining stabalizer နဲ့ parataining fuze ပစ္စည်း ရာနဲ့ချီ ပါပါတယ်။  ဒီပစ္စည်းတွေကို မေလ (၅ လ ပိုင်း) နောက်ဆုံးအပတ်မှာ သယ်ဆောင်လာတာဖြစ်ပြီး စင်္ကာပူကနေ တစ်ဆင့်မြန်မာနိုင်ငံသို့ ဖြတ်သယ်ယူမှာဖြစ်ပါတယ်။ လာမယ့်ရက်ပိုင်းအတွင်း မြန်မာနိုင်ငံကိုရောက်မယ်လို့ တွက်ဆရပါတယ်။ စစ်ကောင်စီက မှာယူတဲ့ S-8 80mm Rocket ထဲမှာလည်း မျိုးကွဲများစွာရှိတဲ့အတွက် ဈေးနှုန်းတွေတော့ မသိနိုင်ပါဘူး။ S-8 80mm အမျိုးအစားကို ရုရှားက ၁၉၇၀ ခုနှစ်လောက်ကတည်းက ထုတ်လာခဲ့တာဖြစ်ပါတယ်။ Wea...

ခုခေတ်မှာ စတိတ်မင့်တစ်စောင်ဟာ ကွန်ပျူတာ ရှိသူတိုင်းထုတ်လို့ရပါတယ်။ ဘာမှ ခဲယဉ်းတဲ့ကိစ္စမဟုတ်ပါ။ ဆိုတော့ သံတွဲမှာ PDF ဖွဲ့တယ်ဆိုရင် ဘယ်သူ ဘယ်ပါတီ ဘယ်အဖွဲ့အစည်းက တာဝန်ယူသလဲဆိုတာသိဖို့၊ အတည်ပြုနိုင်ဖို့လိုအပ်ပါတယ်။ NLD ကလား၊ မှောင်ခိုသမားလား၊ စစ်တပ်လား တခြားအဖွဲ့အစည်းလား၊ ဒါတွေ သိဖို့လိုအပ်ပါတယ်။  စစ်တပ်က လုပ်တာကောမဖြစ်နိုင်ဘူးလား စသဖြင့် ဖွင့်ပြီးစဉ်းစားဖို့လိုအပ်ပါတယ် (အာရုံလွဲဖို့)။ လတ်တလော သတင်းတွေပျံ့နေတဲ့တချို့ကိစ္စတွေရှိပေမယ့် ဘာက ဘာဆိုတာကို ပြောဖို့စောပါသေးတယ်။ စကခ ၅ အခြေစိုက်တဲ့မြို့နယ်တစ်ခုမှာ နယ်မြေတစ်ခုထူထောင်ဖို့ ခဲယဉ်းပါလိမ့်မယ်။ ပြည်မဘက်က ဆင်းချလာတဲ့ NLD ထောက်ခံသူတချို့နဲ့သံတွဲ NLD အမာခံတွေပေါင်းပြီး လုပ်တာမျိုးဖြစ်နိုင်မလားတော့ စဉ်းစားစရာရှိတယ်။ လုပ်တယ်ဆိုလည်း တိုက်ပွဲဖော်တာမျိုးထက် ဟိုနားဗုံးပေါက်ဒီနားဗုံးပေါက်ထက် ပိုမယ်မထင်ပါ။  ဆိုတော့ ခြုံပြောရရင် စတိတ်မင့်ထက် လက်တွေ့ဆောင်ရွက်ချက်ဘာမှလည်းမရှိတဲ့အခြေအနေမှာ ဒီဟာကို အတုလား အစစ်လားခွဲခြားဖို့ ခက်ပါတယ်။ တာဝန်ယူပြီး ပြောနိုင်သူရှိရင်တောင် ဒါက တစ်ယောက်တည်းက ဟန်ဆောင်တာလား အစုအဖွဲ့ကိုယ်စားပြုတကယ်ဖြစ်တာလားဆိုတာ ချင့်ချိန်...

စစ်ကောင်စီက ရခိုင်ပြည်နယ်တောင်ပိုင်း စကခ-၅ ထိန်းချုပ်တဲ့ တောင်ကုတ်-သံတွဲ-ဂွ မြို့နယ်တွေမှာ ပြီးခဲ့တဲ့ ၂-၃ ပတ်လောက်ကတည်းက စစ်လက်နက်အမြောက်အများ သယ်ယူတာတွေ၊ စစ်ဘက်သုံးဒရုန်းပျံသန်းတာတွေ၊ ဘန်ကာတည်ဆောက်တာတွေ သံတွဲမြို့နယ်မှာ ဆောင်ရွက်နေတယ်လို့ ယုံကြည်ရတဲ့သတင်းရင်းမြစ်တွေက ပြောပြလာပါတယ်။  စစ်လက်နက်တွေကို စစ်တွေ (ကျွန်းပတ်) ဘက်ကလာတဲ့ လေယာဉ်တွေမှာ သယ်ယူလာတာဖြစ်ပြီးတော့ အမျိုးအမည်မသိတဲ့ စစ်သုံးပစ္စည်းမျိုးစုံကို မိုးကာစတွေဖုံးအုပ်ပြီးတော့ သံတွဲ လေဆိပ်ကနေ သယ်ထုတ်ခဲ့တယ်လို့ဆိုပါတယ်။  CH-3 Chinese Drone "သံတွဲလေဆိပ်မှာ ညဘက် ဒရုန်းတွေပျံတာရှိတယ်။ မိုးကာစလိုဟာတွေနဲ့ဖုံးထားတဲ့ ကားတွေလည်းရှိတယ်။ သံတွဲ တပ်ရင်း ၅၅ မှာ အင်အားထပ်ဖြည့်တယ်၊ ဘန်ကာတွေလည်းအများကြီးဆောက်တယ်။ တောင်ထိပ်တွေမှာရောပဲ။" လို့အမည်မဖော်လိုသူ တစ်ဦးက ပြောပြပါတယ်။  စစ်ကောင်စီရဲ့ တပ်ရင်းက တောင်ကုတ်-သံတွဲမှာ အနည်းဆုံး သုံးခုရှိပါတယ်။ အမြောက်တပ်ရင်း ခမရ-၃၇၅ နဲ့တပ်ရင်း ၃၄၆ ရှိပါတယ်။ သံတွဲမြို့နဲ့ ၁၅ မိနစ်ဝန်းကျင်ခရီးသွားရတဲ့ ငပလီမှာတော့ တပ်မ-၅၅ ရဲ့တပ်ရင်းတွေရှိပါတယ်။   အာဏာသိမ်းစစ်ကောင်စီရဲ့ စစ်ရေးလှုပ်ရှားမှုတွေနဲ့ပတ်...

ဘော်လခဲ NLD အမတ်လောင်းအဖြစ်ဝင်ရောက် ယှဉ်ပြိုင်ခဲ့တဲ့ စိုင်းလင်းလင်းဦးကို စစ်ကောင်စီက စစ်ကြောရေးမှာသတ်ဖြတ်လိုက်တယ်ဆိုတဲ့ သတင်း ဒီနေ့ဇွန် ၆ ရက်နေ့မှာ ထွက်ပေါ်နေပေမယ့် အတည်ပြုလို့မရသေးပါဘူး။  ကရင်နီသတင်းရင်းမြစ်တွေကတော့ ဦးလင်းလင်းဦးဟာ ရဲစခန်းက အချုပ်ထဲမှာရှိနေပြီးတော့ စစ်ကောင်စီက လွိုင်ကော်ထောင်ကိုပို့ဖို့စီစဉ်နေတယ်လို့ပြောပါတယ်။  အသက် ၂၉ နှစ်အရွယ် စိုင်းလင်းလင်းဦးဟာ ဒီမောဆိုမြို့နယ်ထဲက စစ်ဘေးဒုက္ခသည်တွေကို ကူညီဖို့သွားရင်းနဲ့အပြန်ခရီး လွိုင်ကော်မြို့နယ်ထဲမှာ မနန္ဒဦးခင်၊ မမေဇင်ထူးတို့နဲ့အတူ မေလ ၂၆ ရက်နေ့မှာ အဖမ်းခံခဲ့ရပါတယ်။  ဖမ်းဆီးပြီးနောက်မှာတော့ သူတို့သုံးယောက်ကို စစ်တပ်တပ်ရင်းတစ်ခုမှာထိန်းသိမ်းထားခဲ့ပါတယ်။ စိုင်းလင်းလင်းဦးဟာ ၂၀၂၀ ရွေးကောက်ပွဲတုန်းက ကြံ့ခိုင်ရေးပါတီမှ သမ္မတရုံးဝန်ကြီးဟောင်း ဦးစိုးသိမ်းကို ရှုံးနိမ့်ခဲ့ပါတယ်။ 

ငပလီမှာရှိတဲ့ ကမ်းခြေဟိုတယ်ကြီးအများစုဟာ စစ်တပ်ရဲ့ငွေတွင်းကြီးတွေဖြစ်ပါတယ်။ ဘယ်ဟိုတယ်က ဘယ်လိုဆက်စပ်တယ်ဆိုတာကိုရေးတင်ပေးသွားပါမယ်။ ပြီးခဲ့တဲ့အပတ်ကတော့ Amazing Hotel ဟာ စစ်ခေါင်းဆောင် မင်းအောင်လှိုင်နဲ့တိုက်ရိုက် ဆက်စပ်ကြောင်းရေးတင်ပြီးပါပြီ။ ဒီတစ်ခါတော့ တခြားဟိုတယ်တွေ ပါလာမှာဖြစ်ပါတယ်။ Amazing Hotel Ngapali ဒီကိစ္စတွေကို စုံစမ်းတဲ့အခါ ငပလီဒေသခံတွေရဲ့ ပူးပေါင်းမှု အားနည်းပါတယ်။ အဓိကတော့ အဲဒီမှာ လုပ်ကိုင်နေကြတဲ့သူတွေက အလုပ်အကိုင်ဆုံးရှုံးမှာ စိုးရိမ်ကြတာနဲ့ဆက်စပ်မယ်လို့နားလည်ရပါတယ်။  သိတဲ့သူတွေ ပူးပေါင်းဖော်ထုတ်ပေးကြဖို့ ထပ်မံမေတ္တာရပ်ခံပါတယ်။ Telegram/ Signal ကြိုက်တဲ့နေရာကနေ ဆက်သွယ်လို့ရပါတယ်။  ဘာကြောင့် ဒီလိုဖော်ထုတ်ရေးသားဖို့ လိုအပ်သလဲ။ အဓိကတော့ စစ်တပ်ရဲ့ငွေကြောတွေကို ဖြတ်တောက်ပစ်ဖို့လိုပါတယ်။ ဒီကနေရတဲ့ငွေကြေးတွေဟာ အခု အာဏာသိမ်းထားတဲ့ စစ်တပ်ဗိုလ်ချုပ်တွေ ချမ်းသာဖို့ အသုံးပြုတာဖြစ်သလို ပြည်သူလူထုကို သတ်ဖြတ်မယ့် ကျည်ဆန်တွေ၊ စစ်လက်နက်တွေ ဝယ်ရာမှာအသုံးပြုမယ့် ငွေတွေဖြစ်တယ်ဆိုတာကို သတိချပ်သင့်ပါတယ်။ ပြောရမယ်ဆိုရင် ဒီကိစ္စကို ဆိတ်ငြိမ်နေသူတွေဟာ လူထုကို သတ်ဖြတ်မယ့် ကိစ္စကိုသိရက်နဲ့ ...

တရုတ်သံအမတ် ချင်းဟိုင် (Chen Hai)နဲ့စစ်ကောင်စီ ဥက္ကဌ ဗိုလ်ချုပ်မှူးကြီး မင်းအောင်လှိုင်တို့ ဇွန်လ ၅ ရက်နေ့ နေပြည်တော်မှာ တွေ့ဆုံဆွေးနွေးခဲ့တယ်လို့ စစ်ကောင်စီက သတင်းထုတ်ပြန်ပါတယ်။  Chinese Ambassador Chein Hai ဆွေးနွေးတဲ့အခါ တရုတ်-အာဆီယံ ဆက်ဆံရေး နှစ် ၃၀ ပြည့်အခမ်းအနားကိစ္စ ပါဝင်ပါတယ်။ တရုတ်နိုင်ငံမှာကျင်းပမယ့် အဲဒီအခမ်းအနားကို စစ်ကောင်စီဥက္ကဌ ဗိုလ်ချုပ်မှူးကြီး မင်းအောင်လှိုင် တက်ရောက်ဖို့အတွက် ဆွေးနွေးတယ်လို့ သုံးသပ်ရပါတယ်။ ကျန်တဲ့သုံးချက်ကတော့ တရုတ်- မြန်မာချစ်ကြည်ရေးနဲ့ ပူးပေါင်းဆောင်ရွက်ရေး၊ နှစ်နိုင်ငံနယ်စပ်ဒေသ တည်ငြိမ်အေးချမ်းရေးကိစ္စတွေလို့ ဖော်ပြထားပါတယ်။  ပူးပေါင်းဆောင်ရွက်ရေးဟာ သံတမန်စကားလုံးဖြစ်ပြီး ကျယ်ပြန့်တဲ့အဓိပ္ပာယ်ရှိပါတယ်။ ဒါကြောင့် စီးပွားရေး၊ စစ်ရေးနဲ့စီမံကိန်းကိစ္စတွေ ပါဝင်မယ်လို့ယူဆရပါတယ်။ နယ်စပ်ကိစ္စကို ဆွေးနွေးတယ်လို့ပြောတဲ့အတွက် ရှမ်းပြည်နယ်နဲ့ ကချင်ပြည်နယ်ကိစ္စ ပါဝင်မယ်လို့ ယူဆရပါတယ်။  သံတမန်စကားက ဝေ့ဝိုက်တာကြောင့် တကယ့်လက်တွေ့မှာ ဟုတ်ချင်မှလည်း ဟုတ်မှာပါ။ ဥပမာ စစ်ကောင်စီဘက်က တစ်ဘက်တည်းတောင်းဆိုတာကို ဆိုလိုတာလည်းဖြစ်နိုင်ပါတယ်။  ဒါပေမဲ့ တရုတ...

ကျနော်မြင်တာကတော့ NUG က ရခိုင်ပြည်နယ်တွင်းလို့သုံးမယ့်အစား မြန်မာနိုင်ငံတွင်းက ရိုဟင်ဂျာများလို့ သုံးရင်လည်း အဆင်ပြေတာပဲ။ သဘောကို ပြောပြတာပါ။ ရခိုင်ဘက်ကလည်း ဒီလိုသုံးနှုန်းခဲ့မယ်ဆို ပြင်းထန်မှု ဒီလောက် ရှိချင်မှ ရှိမယ်ထင်ပါတယ်။ ဒါက တစ်ချက်ပါ။  Photo: Thai PBS  နောက်ချက်က ရခိုင်တွေအနေနဲ့လည်း ဒီအသုံးအနှုန်းကို သိပ်ခံစားပြီး လိုက်ကန့်နေစရာ မလိုဘူးလို့မြင်ပါတယ်။  ကျနော်ကတော့ လူ့အခွင့်ရေးအရ ခေါ်ခံစေချင်တာကို ခေါ်ခွင့်ပေးသင့်ပါတယ်။ ဒါမှလည်းပဲ လူ့အခွင့်ရေးနဲ့ကိုက်ညီမှကိုး။ ရခိုင်မှာ တကယ်ဖြစ်နေတဲ့ ပြသနာက နာမည်ကိစ္စမဟုတ်ပါဘူး။ တကယ့်အနှစ်သာရက မွတ်စလင်တွေကို ပိတ်လှောင်ထားပြီး ဘယ်မှသွားခွင့်လာခွင့်မပေးတာ ပညာရေးကိစ္စတွေက အစ ဘာမှကိုမပေးတာကြောင့်ဖြစ်နေတာပါ။  ဒါတွေကို ဘယ်သူတွေက မပေးတာလဲ။ အုပ်ချုပ်သူ လူတန်းစားက မပေးတာပါ။ ဘယ်သူတွေအုပ်ချုပ်ခဲ့ပါလဲ။ NLD အုပ်ချုပ်ခဲ့တယ်။ သူတို့ကိုယ်တိုင်ပဲ ဒါကို ငြင်းခဲ့တာပါ။ စစ်တပ်အုပ်ချုပ်တယ် သူတို့ငြင်းခဲ့တယ်။ ကြံ့ခိုင်ရေးအုပ်ချုပ်တယ် သူတို့ငြင်းခဲ့တယ်။ ဆိုတော့ ရခိုင်တွေအုပ်ချုပ်တဲ့အချိန်ကောလို့ ကြိုစဉ်းစားသင့်ပါတယ်။  ရခိုင်တွေဟာ တချိန်တုန်းက ဘာ...

NLD ဒေါ်အောင်ဆန်းစုကြည်အစိုးရလက်ထက် အမည်ပေးခဲ့တဲ့ ငြိမ်းချမ်းရေးနှင့်အမျိုးသားပြန်လည်သင့်မြတ်ရေးစင်တာ (National Reconciliation and Peace Center (NRPC) ကို စစ်ကောင်စီက National Solidarity and Peace-making Center (NSPC) လို့ အမည်ပြောင်းလိုက်ပါတယ်။  ရန်ကုန်မြို့ ရွှေလီလမ်း ဆိုင်းဘုတ်ကို မြင်တွေ့ရစဉ်   USDP ကြံ့ဖွံ့အစိုးရလက်ထက် (၂၀၁၀-၂၀၁၅ ) မှာတော့ Myanmar Peace Center (MPC) လို့ သမ္မတဦးသိန်းစိန်က စတင်အမည်မှဲ့ခဲ့ပါတယ်။ အဲဒီကနေ ၂၀၁၁-၁၂ ကနေ တိုင်းရင်းသားလက်နက်ကိုင်အဖွဲ့တွေနဲ့  ငြိမ်းချမ်းရေးဆွေးနွေးပွဲတွေ စခဲ့ပါတယ်။   ၂၀၁၅ ရွေးကောက်ပွဲ NLD နိုင်တော့ ဒေါ်အောင်ဆန်းစုကြည်က NRPC လို့ ပြောင်းလိုက်ပါတယ်။ အခုတစ်ကြိမ်တော့ စစ်ကောင်စီက NSPC လို့ပြောင်းလိုက်ပါတယ်။ ဒါကြောင့် အတိုကောက်ဆိုရင်တော့ R နဲ့ S တစ်လုံး ကပ်ချိန်းတယ်လို့ ဆိုရမှာပါ။  National Solidarity and Peace-making Center (NSPC) ကို တရားဝင်သူတို့ဘယ်လိုခေါ်လဲတော့မသိပါ။ ကျနော် အနီးစပ်ဆုံး ဘာသာပြန်ကြည့်မယ်ဆိုရင် (အမျိုးသားသွေးစည်းညီညွတ်ရေးနှင့်ငြိမ်းချမ်းရေးတည်ဆောက်ရေးစင်တာ) လို့ အဓိပ္ပာယ်ရမယ်လို့ နားလည်ပါတယ...

ရခိုင်မှာ CDM လို၊ မလို ဒီဗီဒီယိုဖိုင်က သတင်းစကားတစ်ခု ပေးမယ်လို့ မျှော်လင့်ပါတယ်။ ကျောင်းမတက်ဘဲ သပိတ်မှောက်မှ CDM မဟုတ်ဘူးဆိုတာ နားလည်မယ်လို့ ယူဆပါတယ်။  Photo: DMG  ရခိုင်ပြည်နယ် မြောက်ပိုင်းက မြို့နယ်တစ်ခုမှာဖြစ်ပါတယ်။ သူတို့သီဆိုတဲ့ သီချင်းဟာ ရခိုင်အမျိုးသားတွေကို စည်းလုံးစေတဲ့ national anthem လိုသဘောမျိုးဆောင်ပါတယ်။ Video: Supplied  AA စစ်ဦးစီးချုပ်ဘောလုံးပွဲကျင်းပလို့ မြောက်ဦးက ဥဇင်းတစ်ပါးကို  NLD အစိုးရလက်ထက်မှာ စစ်တပ်က တရားစွဲဖူးပါတယ်။ AA ဆီက လာတဲ့ ဒီသီချင်းကို အခုလို စာသင်ကျောင်းမှာဆိုကို စစ်တပ်က ဘယ်လိုသဘောထားမယ်ထင်ပါလဲ။